XII Premio "Ana Abarca de Bolea" (2009)
O Consello d'a Fabla Aragonesa fa o clamamiento d'a dozena edizión d'o premio "Ana Abarca de Bolea" ta libros de poesía en aragonés.
Correspondién á l'añada 2009, que se reglará por as bases siguiens
NORMAS DE PARTIZIPAZIÓN:
1. Os treballos consistirán en un libro inedito de poemas escritos en aragonés.
2. Se presentarán tres copias d'os treballos, feitos en ordinador, á dople espazio e á una sola cara, e con una amplaria d'entre 600 e 1200 bersos. Se presentará tamién o treballo grabato en un disquet.
3. Os treballos lebarán un tetulo e un lema, os cuals se cuaternarán en una carpeta postal zarrata, drento d'a que se meterán o nombre e dos apellidos e l'adreza de l'autor/a, asinas como lo lugar e calendata de naxenzia e a profesión u quefers.
4. Os treballos s'endrezarán por correyo zertificato ta: Consello d'a Fabla Aragonesa, XII Premio "Ana Abarca de Bolea" (2009), trestallo postal 147, 22080 Uesca, antis d'o 30 de setiembre de 2009.
5. A dezisión d'o premio e as presonas que composan o Churato se ferá saper publicamén en o mes de otubre de 2009.
6. O premio consistirá en 600 euros ta l'autor/a e a publicazión d'a obra ganadora.
7. O churato podrá zezidir no atorgar o premio á denguna d'as obras presentatas, asinas como no atorgar menzión espezial á beluna/s e consellar a suya publicazión. L'autor/a con menzión espezial recullirá un premio de 150 euros. En dengún caso se pueden trestallar os diners d'o premio e d'a menzión espezial; si alcaso, o Churato podrá atorgar una segunda menzión espezial, sin de pre en diners, pero podendo consellar tamién a publicazión d'a obra. A suya dezisión ye inapelable.
8. A obra ganadora y, en o suyo caso, a obra u obras que tenesen menzión espezial, serán publicatas seguntes as normas graficas de l'aragonés emologatas en abril de 1987, por a Editorial Publicazions d'o Consello d'a Fabla Aragonesa, qui se guarda os dreitos d'a primera edizión, a cuala tendrá un tirache menimo de 500 exemplars.
9. Os treballos presentatos que no se reclamen en o plazo de 30 días naturals, que prenzipiarán á contar dende a calendata en que se faiga publica a dezisión d'o Churato, quedarán en propiedá d'o Consello d'a Fabla Aragonesa.
10. A presentazión á iste premio suposa l'adempribio d'istas normas por parti d'as presonas que partezipan en o mesmo.
No hay comentarios:
Publicar un comentario