OMENACHE A CARMEN CASTAN

O domingo diya 26 de setiembre, aprofeitando que ye o diya europeyo d´as
luengas minorizatas, ebanos pensato , fa muitismo tiempo, de fer un omenache
a Carmen Castan Saura, escritora en prosa y mayestra de aragonés, que
treballa con os ninos/as d´as escuelas en a bal de Benás y redolada.



Ha estato deseyo de Carmen pasar o diya en o campo, al raso, como a era li
cuaca, fendo una gambadeta desde O Plan de l´Ospital dica O Forau de
Aigualluts. Ye una gambadeta chicota por una senda entre buxos y praus.
Mincharemos d´alforcha en cualsiquier mosquera (si fa buen orache) ú
solanera (si fa pior orache), y si plebe pos ya miraremos de cubillar-nos en
bella mallata .

Dimpués, de tornata, mos feremos un socalze en bella cafetería de Benás y
aprofeitaremos pa fer-li saper d´o nuestro reconoximiento y d´o nuestro
cariño.



Ye una trobada ubierta a toda ra chen que quiera pasar ro diya con Carmen.

No cal apuntar-se, pero si serba combenién que si tenez intinzión de bi
estar nos lo fesez saper ( por lochistica cheneral). A ras 11,00 oras
seremos en a ofizina de turismo de Benás, pa puyar en os menos autos que
podamos, dica O Plan de l´Ospital.

Mos ferá goyo achuntar-nos y pasar un buen diya. Tos aguardamos!